DiagFlow — კონფიდენციალურობის პოლიტიკა

ბოლო განახლება: 2026 წლის 5 ოქტომბერი

DiagFlow არის აპლიკაცია და ვებსაიტი, რომელიც ELM327 OBD-II ადაპტერის მეშვეობით კითხულობს ავტომობილის დიაგნოსტიკურ მონაცემებს, ხსნის შეცდომის კოდებს ქართულად და ინახავს თქვენი მანქანების ისტორიას. ამ დოკუმენტში აღწერილია, რა მონაცემებს ვაგროვებთ, რატომ და როგორ შეგიძლიათ მათი წაშლა.

1. ანგარიში

• სახელი და ელფოსტა — ანგარიშის შესაქმნელად, შესასვლელად, ელფოსტის დასადასტურებლად და პაროლის აღსადგენად. ელფოსტაზე სარეკლამო წერილებს არ ვგზავნით.
• პაროლი — ინახება მხოლოდ დაშიფრული სახით (scrypt ჰეში); თავად პაროლს ვერავინ ხედავს.
• სესია — ტელეფონზე სესიის გასაღები ინახება სისტემის დაცულ საცავში (iOS Keychain / Android Keystore), საიტზე — HttpOnly ქუქიში. სერვერზე ინახება მხოლოდ გასაღების ჰეში და ბოლო გამოყენების დრო.

2. მანქანები და დიაგნოსტიკის ისტორია

• მანქანის პროფილი: სახელი, VIN ნომერი, მარკა, მოდელი, წელი და მახასიათებლები (ძრავი, საწვავი და ა.შ.), შენიშვნა — რასაც თავად შეიყვანთ ან VIN-ით შეივსება.
• წაკითხვები: დრო, შეცდომის კოდები და მათი სტატუსი, Check Engine-ის მდგომარეობა, აკუმულატორის ძაბვა, კავშირის პროტოკოლი და ადაპტერის ტიპი.
• ეს მონაცემები ინახება ტელეფონში და, ინტერნეტის არსებობისას, თქვენს ანგარიშში სერვერზე — რომ ისტორია და სტატისტიკა ხელმისაწვდომი იყოს საიტზე და სხვა ტელეფონზე.
• რეალურ დროში წაკითხული სენსორების მონაცემები (ბრუნები, ტემპერატურა და ა.შ.) არ ინახება და არსად იგზავნება.

3. გაზიარებული ბმულები

თუ წაკითხვას ბმულით გააზიარებთ, ბმულის მქონე ნებისმიერი ადამიანი ნახავს ამ ერთ ანგარიშს: მანქანის სახელს, მარკას, მოდელს, წელს, ძრავს, კოდებს და მათ აღწერას. VIN-ის ბოლო 6 სიმბოლო (სერიული ნომერი) დაფარულია, თქვენი სახელი და ელფოსტა არ ჩანს. ბმულს შეგიძლიათ მიუთითოთ ვადა (1, 7 ან 30 დღე) და ნებისმიერ დროს გათიშოთ აპლიკაციიდან ან საიტიდან. გაზიარებული გვერდები საძიებო სისტემებში არ ინდექსირდება.

4. სხვა რა იგზავნება სერვერზე

• შეცდომის კოდი და მწარმოებლის ჯგუფი (მაგ. P0420, FORD) — როცა კოდის ქართული აღწერა ტელეფონში ჯერ არ არის. ახალ აღწერას სერვერი ქმნის ხელოვნური ინტელექტის დახმარებით და ინახავს ყველა მომხმარებლისთვის; ეს ჩანაწერი თქვენს ანგარიშს არ უკავშირდება.
• შემთხვევითი ინსტალაციის ID — მხოლოდ სერვერის გადატვირთვისგან დასაცავად (მოთხოვნების ლიმიტი); სერვერზე ინახება მისი ჰეში.
• არასწორი თარგმანის შეტყობინება — თუ თავად გაგზავნით: კოდი და თქვენი კომენტარი.

ჩვენ არ ვაგროვებთ მდებარეობას, ტელეფონის ნომერს, კონტაქტებს ან ფოტოებს. არ ვიყენებთ სარეკლამო თრექინგს და მონაცემებს არ ვყიდით და არ გადავცემთ სარეკლამო მიზნით.

5. Bluetooth და ლოკალური ქსელი

Bluetooth-ის ნებართვა საჭიროა მხოლოდ OBD-II ადაპტერის მოსაძებნად და დასაკავშირებლად. ლოკალური ქსელის ნებართვა საჭიროა Wi-Fi ადაპტერთან დასაკავშირებლად. Android-ზე Bluetooth-ის ძებნა მდებარეობის დასადგენად არ გამოიყენება.

6. მესამე მხარეები

• Anthropic (Claude API) — ახალი შეცდომის კოდების ქართულად ასახსნელად. იგზავნება მხოლოდ კოდი და მწარმოებლის ჯგუფი, პერსონალური მონაცემები — არა.
• NHTSA vPIC (აშშ-ის სატრანსპორტო უსაფრთხოების სამსახურის საჯარო სერვისი) — VIN ნომრის გაშიფვრა მარკის, მოდელისა და მახასიათებლების დასადგენად. იგზავნება მხოლოდ VIN.
• ელფოსტის მიმწოდებელი (SMTP) — დადასტურების და პაროლის აღდგენის წერილების გასაგზავნად.
• Sentry (თუ ჩართულია) — აპლიკაციის ავარიული შეცდომების ანგარიშები; VIN და ადაპტერის მისამართები ავტომატურად იშლება.

7. შენახვის ვადა და წაშლა

• ცალკეული წაკითხვის წაშლა — წაკითხვის გვერდზე „წაშლა“.
• მთელი ისტორიის წაშლა — პარამეტრები → „ისტორიის გასუფთავება“ (იშლება ტელეფონიდანაც და ანგარიშიდანაც).
• მანქანის წაშლა — იშლება პროფილიც და მისი წაკითხვებიც.
• ანგარიშის წაშლა — აპლიკაციაში: პარამეტრები → „ანგარიშის წაშლა“, ან საიტზე: ჩემი გარაჟი → ანგარიში. მყისიერად და სამუდამოდ იშლება ანგარიში, ყველა მანქანა, სერვერზე შენახული ისტორია და გაზიარებული ბმულები.

სანამ ანგარიშს არ წაშლით, მონაცემებს ვინახავთ იმდენ ხანს, რამდენიც სერვისის მუშაობისთვის არის საჭირო.

8. უსაფრთხოება

სერვერთან კავშირი დაშიფრულია (HTTPS). პაროლები და სესიის გასაღებები ინახება მხოლოდ ჰეშირებული სახით, შესვლის მცდელობები შეზღუდულია.

9. პასუხისმგებლობის შეზღუდვა

DiagFlow საინფორმაციო ინსტრუმენტია და არ ცვლის კვალიფიციური ხელოსნის დიაგნოსტიკას. კოდების წაშლა პრობლემას არ აგვარებს. AI-ით შექმნილი აღწერები შეიძლება შეიცავდეს უზუსტობებს — ასეთი აღწერები აპლიკაციაში შესაბამისად არის მონიშნული.

10. ბავშვები

სერვისი არ არის განკუთვნილი 13 წლამდე ბავშვებისთვის და მათგან მონაცემებს შეგნებულად არ ვაგროვებთ.

11. კონტაქტი

კითხვების ან მონაცემების ასლის/წაშლის მოთხოვნისთვის მოგვწერეთ: privacy@diagflow.ge